Selamat Datai Ngagai Website Bangka!

Majalah Bangka Ulih Dibeli Berengkah ari Diatu lalu deka dikirum

ke kitak nengah Pos Ekpress (kos pos RM 5.00 ngagai seluruh Malaysia)

 

REGA PASARAN!

RM 7.80 senaskah


 


KAMI NERIMA CARA PEMBAYARAN BAKA BA ATAS TU



 


Halau..nama berita kita wai? Aku tu dikumbai orang Professor Bangka. Dikumbai pandai, enda ga pelajar tinggi sampai di puchuk ensurai. Dikumbai enda pandai, nemu ga aku ABC ngelantak kening. Dikumbai bangka, bisi ga amat dia….hehehe ! Sebedau aku bejaku, iya udah ga bejaku! bangka amai! Dulu aku meri tabi Selamat  Ngintu Hari Gawai Dayak Taun 2012.  Arap ka semua kitai bulih tuah ,bulih limpah ari petara. Bakani kita ngintu Gawai taun dua ribu dua iti belas tu? Begaga ka ranyai? Nyayat manuk ngelima puluh iku? Munyi ku jaku YB bansa Cina ka nganggau ka kami serumah ngabang Taun Baru Cina taun tu tadi. Ku iya, “Kita ka makai manuk,kita sayat lihi wai, ka makai jani,aku sayat dek wai”.Nyee..lapa deh, jaku iya jai didinga,tang tuju ati iya manah. Sapa-sapa ka indai tauka bini orang nya,sigi gaga maya Gawai tu.Enda pia iya wai?!Ni enda gaga,laban laki pulai gawa ari tasik meku makai gaji beribu ratus ringgit.Bisi bajet Gawai taun tu neh wai,Meli bangku baru,langsir baru,cawat baru, spinda ku ribai.Betul nya jaku nya kini,cawat bansa G-string.Apuuu,..kah..kah..kah..!Enggai shakap aku! Peyy,nyau seredah aku tu uchak. Kebendar iya aku bejaku ngarika raban Majalah BANGKA lalu diberi awak meri seleka dua jaku sengapa udok ditu.Aku arap kita anang enda ampit enggau bebelika majalah tu.Anang enda meli uchak!Sapa ka meli nya anang ngasuh orang ka enda meli nya minjau,Legi padah iya lenyau lebuh kita minta pulai ka baru .Padu hal kena aki iya ka enda nemu macha ,nyengkilu burit.Pepeli mata kita.Sapa ka ampit meli isu keterubah tu endang betuah laban bala kami publish majalah tu bisi ngena taka.Baka kitai nyadung ai tuak ngagai bala pengabang.enti gelas enda penuh,tau paras enggau mata penyayat gelasnya laban cina enda ngaga gelas alang-alang.ha..ha..haa..Apu,udah ambis time aku bejaku ditu.Ka pan enda lengka ka aku dulu bala kita.Ila kitai nyambung baru.Enti ka kita ga nyambung…Mupok dulu aku wai..Selamat Hari Gawai!